Një 27-vjeçar shqiptar mbeti i vrarë mëngjesin e së shtunës në Itali gjatë një ndjekje nga policia vendase.
Sipas informacioneve nga karabinieri, shqiptari ishte pjesë e një bande kriminale që vidhte makina luksoze.
Pas informacioneve të marra, policia italiane i është vënë në ndjekje shqiptarit i cili është identifikuar si Besnik Tafaj. Ai po udhëtonte me një automjet “Audi A8” të vjedhur dhe në Peskiera të Milanos zbriti për të hipur në një tjetër “Audi A6”, gjithashtu i vjedhur.
Në këtë moment, policia doli për të arrestuar shqiptarin, por ai qëlloi ndaj tyre dhe u largua në këmbë.
Pas disa minutash ndjekje, shqiptari u rrëzua dhe qëlloi aksidentalisht me armë veten në fytyrë dhe mbeti i vdekur në vend.
Sipas hetimeve të italianëve u zbulua se arma që shqiptari qëlloi ndaj efektivëve është pistoletë Beretta 84 e vjedhur./r.a
