Gruaja që i preu gjenitalet një personi në Bulqizë quhet Gëzime Lleshi dhe është 33 vjeç. Kështu shkruan siti Jeta osh qef, i cili pretendon se ka mësuar identitetin e gruas nga burime të sigurta.
Ngjarja e rëndë ka ndodhur në lagjen “Gjeologu” të Bulqizës. Shtetasi H.B. ka shkuar në banesën e 33-vjeçares, e cila e ka goditur 49-vjeçarin me mjete prerëse në trup dhe në pjesët intime. Më pas autorja i ka telefonuar gruas së H.B.-së dhe i ka thënë që të shkonte të merrte të shoqin se do ia priste dhe organet gjenitale.
Ndërkaq, i plagosuri ka përfunduar në spitalin e Bulqizës, ku dhe ka marrë ndihmën e parë mjekësore. Vetë agresorja është shprehur në lidhje me “incidentin” se fqinjin e saj 49-vjeçar e ka goditur, pasi ai hyri me forcë në banesën e saj dhe tentoi që ta përdhunonte.
Nga ana tjetër, vetë H.B. ka deklaruar në spital se ishte dëmtuar aksidentalisht, pasi ishte prerë me xham. Gruaja që ka plagosur 49-vjeçarin, disa muaj më parë ka dhunuar edhe bashkëshortin e saj, i cili mori urdhër mbrojtjeje dhe më pas u divorcua me të.
