Autori i grabitjes së bankës brenda Hipotekës ishte filmuar qartësisht nga kamerat e sigurisë 5 minuta para se të vinte në zbatim planin e tij.
Policia e kryeqytetit thekson se është shpallur një kërkim një person si i dyshuar për ngjarjen, por ende nuk është prangosur.
Gjithashtu, burime nga uniformat blu theksojnë se është ndaluar edhe një shtetas tjetër, i cili kishte ngjashmëri me autorin e dyshuar të grabitjes së rreth 5 milionë lekëve të vjetra në një bankë të nivelit të dytë brenda Hipotekës, ku pas marrjes në pyetje u la i lirë.
Pas sekuestrimit të kamerave të sigurisë, specialistët e “IT” kanë mundur të dallojnë qartë fytyrën e grabitësit, kur largohet i vetëm në këmbë përmes një rrugice, në zonën ku ndodhi ngjarja. Sipas pamjeve ai mban në njërën dorë qesen me paratë e grabitura dhe në dorën e djathtë mban pistoletën./abcnews.al/a.m.
