Autoritetet franceze kanë identifikuar autroin e sulmit me thikë që la tre të vdekur në qytetin jugor të Nisës.
I dyshuari është identifikuar si Brahim Aouissaoui, një tunizian.
21-vjeçari kishte një dokument të Kryqit të Kuq Italian, lëshuar pasi ai arriti në ishullin Italian të Lampedusa me anije migrantësh muajin e kaluar.
I dyshuari në sulmin e Nicës u dëgjua në mënyrë të përsëritur duke bërtitur “Allahu Akbar” (Zoti është më i madhi) para se të qëllohej nga policia.
Një Kuran, dy telefona dhe një thikë 30 cm u gjetën te sulmuesi, tha kryeprokurori anti-terrorist francez Jean-François Ricard.
“Ne gjithashtu gjetëm një çantë të lënë nga sulmuesi. Pranë kësaj çante ishin dy thika që nuk u përdorën në sulm,” shtoi ai.
Aouissaoui nuk ishte në listën e militantëve të dyshuar nga Tunizia dhe nuk ishte i njohur nga shërbimet e zbulimit francez, tha Reuters.
Sulmi po trajtohet si një akt terrorizmi dhe Franca ka ngritur alarmin e saj të sigurisë kombëtare në nivelin më të lartë.
Presidenti Emmanuel Macron tha se ishte një “sulm terrorist islamik”.
Kjo vrasje ka rritur tensionet në Francë. Mbrojtja e Macron për të drejtën për të botuar karikaturat dhe përpjekjet e qeverisë për të goditur Islamin radikal kanë zemëruar Turqinë dhe vendet e tjera me shumicë myslimane./ Javanews
g.kosovari
