Në qoftë se nuk ka sukses në Ligën e Kampionëve, askush në Francë nuk është për vazhdimësinë e Tuchel si trajner i PSG në sezonin e ardhshëm. Përplasjet e tij me Mbappé dhe Neymar e kanë sosur durimin e drejtuesve dhe kjo është arsyeja pse alternativat e mundshme tashmë janë duke u studiuar nga parizienët. “Le10Sport” thekson sot se presidenti Al Khelaifi ka një ëndërr; dyshen Guardiola-Xavi. I pari si kryetrajner, ndërsa i dyti si ndihmës. Synimi i klubit nga “Parce des Princes” është që përmes dy katalanasve të “transplantojë” modelin e Barcelonës së tyre të artë.
Në fillim nuk duket si një mundësi e komplikuar. Guardiola tashmë e ka theksuar mundësinë e largimit nga Manchester City, madje ka theksuar se ëndërron të jetë në gjendje të drejtojë Juventusin në të ardhmen e afërt. Xavi ka treguar zemërimin e qartë me lojtarët e tij, që zhgënjyen në Botërorin e Klubeve, dhe mezi pret që të kthehet në Europë. Për më tepër, drejtuesit e PSG do t’iu vendosnin atyre një “çek të bardhë” në dispozicion, në mënyrë që të mund të blejnë cilindo futbollist që dëshirojnë. Synimi është i qartë; të triumfojnë në Ligën e Kampionëve.
g.kosovari
