Avokati Idajet Beqiri thotë se ish presidenti Ilir Meta ka grabitur pasuritë e Shqipërisë dhe ia ka shpërndarë njerëzve të tij të afërt.
Në një intervistë për “Ora e Fundit” në ABC News, Beqiri u shpreh se Meta ka bërë korrupsion të jashtëzakonshëm.
Ndër të tjera, Beqiri shtoi se avokati i Metës, Kujtim Cakrani nuk ka diplomë të shkollës së mesme dhe se e ka falsifikuar. Sipas tij, Meta dhe Kryemadhi rrezikojnë minimalisht 12 vite burg.
“Problemi është që Ilir Meta, ndryshe nga Sali Berisha, pasuritë që i ka grabitur Shqipërisë dhe shqiptarëve dhe korrupsioni që ka bërë, ky më shumë i ka në duar të të tjerëve. Të kesh mbi 40 asete, hotele, restorante, bare, vila, apartamente, pasuritë e Ilir Metës, nuk janë thjesht në duar e Ilir Metës. Korrupsionin e ka bërë të jashtëzakonshëm, të madh. Vajza e shoferit të Ilir Metës ka restorat në New York. shtë jashtëzakonisht e vështirë të bësh hetim të tillë, do kapacitete, do guxim, do ndershmëri. Po mjafton SPAK vetëm me një gjë, me bujën. Korrupsioni në CEZ-DIA, për lobimin, apo edhe pastrimin e parave me operacione estetike, këto, janë vepra penale që kanë kryer këta”, theksoi ai.
