Sulmuesi i Manchester United, Zlatan Ibrahimoviç, nuk e sheh veten si një futbollistë normal, por si kafshë. Suedezi ka shënuar 13 gola në 19 paraqitje për “Djajtë e Kuq”.
Ai është shprehur se nuk ka “një trup normal” dhe se stërvitja po e ndihmon për të qëndruar në formën më të mirë.
“Trajneri ka bërë një program të mirë stërvitor për mua. Ai ka përshtatur pikat e mia fizike dhe mënyrën se si mund të luaj në çdo ndeshje. Mourinho ka për të marrë shpërblim për këtë. Përzierjen mes trajnimit, shërimit dhe lojës, unë e bëj disi ndryshe. Pra, kjo është arsyeja pse mund të luaj aq gjatë.
Trupi im nuk është trup normal, por është sikur të shikoni një kafshë. Jam i freskët gjithmonë, ndaj dhe e shoh veten si një kafshë”, ka përfunduar suedezi./vizionplus/a.k
