Personazhet e kopertinës… drejtpërdrejt nga vitet ’80. Milan-Juventus do të jetë gjithashtu Zlatan Ibrahimovic kundër Cristiano Ronaldo, në një sfidë pa kohë si në mes të dy klubeve ashtu edhe mes dy yjeve.
Të dy mbi 35 vjeç, të mëdhenj për ego dhe shumë të mëdhenj në fushë. Për Zlatan kjo është Ndeshja e Fundit… Jo e karrierës, por më prestigjozja pasi lamtumira në fund të sezonit me Milanin do të jetë e pashmangshme dhe do të vazhdojë mbase edhe 1 vit te Hammarby në Suedi. Ronaldo është ende duke ndjekur rekordet. Sonte do të jetë një tjetër shfaqje e madhe dhe spektakolare.
Por, përballja e sotme në “San Siro” do të jetë e 13-ta mes Cristiano Ronaldos dhe Zlatan Ibrahimovic. Dy futbollistë që në vitet e fundit kanë udhëhequr skuadrat e tyre me gola dhe paraqitje super, aq sa në total në karrierë, përfshirë kombëtaret, kanë dërguar topin në rrjetë 1272 herë!
Një shifër e pabesueshme, që do ta bëjë sfidën edhe më interesante.
Ndërkohë, suksesi i Ibrës ndaj Ronaldos që mbahet mend ishte derbi i parë dhe i vetëm në Spanjë, kur suedezi, në ndeshjen e parë me Barcelonën e Guardiolës shënon menjëherë sapo zbriti në fushë dhe ai gol i vetëm mjaftoi për të dhuruar tri pikët. Ndërkohë, sot do të jetë akti i radhës, por edhe i fundit me shumë mundësi mes Zlatan Ibrahimoviçit dhe Kristiano Ronaldos, në “La Scala”-n e futbollit, tempulli i duhur për dy ikona si suedezi e portugezi.
g.kosovari
