Lideri do të mungojë. 40 vitet ndihen edhe në rikuperimin e tendinës së Akilit për Zlatan Ibrahimoviçin i cili nuk do të ketë mundësi të shkrepë ndoshta ndonjë nga golat e fundit të karrierës në derbi.
Këtë herë barrën do ta mbajë Zhiru që për Milanin ka shënuar vetëm në “San Siro” e kurrë në transfertë. Në fakt, e sotmja konsiderohet një ndeshje “jashtë” për kuqezinjtë, por çështja nuk duket se i intereson francezit.
Zhiru qëndroi në stol në derbin e parë si lojtar i Milanit, por tani ka ardhur momenti i tij. “Nuk nënshkrova me Interin, Zoti më donte te Milani”. Në Londër ai luajti më shumë se 70 ndeshje brenda qytetit ndoshta jo të gjitha perceptohen si derbi, por duhen pyetur londinezët e vërtetë.
Përtej statistikave, ekziston predispozicioni i Zhirusë për të lëvizur ndryshe nga Ibrahimoviçi gjithnjë e më statik në lojën e “Djallit”. Më shumë forcë në zonë, e mbase më pak krijimtar.
Do të nevojiten krosime nga krahët, do të nevojiten futje në zonë nga mesfushorët për të liruar hapësirat. Zhiru është një lojtar me përvojë dhe inteligjent ndaj Pioli e di se mund të mbështetet tek ai.
Në derbi do të mungojë edhe Rebiçi i dëmtuar. Pioli e di që kroati është një aset i mirë, por Zhiru është i vetmi i disponueshëm për momentin pa llogaritur të riun Lazetiç, sepse francezi di si të shënojë, duke qenë se ka shënuar edhe në një derbi në Ligën e Europës si lojtar i Çelsit kundër Arsenalit, ish-skuadrës së tij.
Dhe sepse ai ka një mision për të kryer: të shmangë rënien e Manxukiçit, i cila në Milanin e Ibrës nuk dha asnjë kontribut.
“Unë ende besoj te titulli, kam dashuruar gjithmonë Milanin sepse kishte shumë francezë të fortë, duke filluar nga Papen. Kur isha 20 vjeç më dhanë fanellën e Shevës, mendoj se e kam akoma, por Ibrës këtë nuk ia kam thënë akoma. Ai është një lojtar që e kam admiruar gjithmonë”.
ÇËSHTJE FATI – Zhiru është në Milano për vullnetin e Zotit, siç ka deklaruar për një gazetë angleze ose më shumë sepse këtë e ka dashur fati.
Pati një bisedë me Interin që nuk shkoi mirë dhe francezi mbërriti te Milani pas shumë vitesh në Angli me një dëshirë të madhe për të treguar se mund të qëndrojë në elitë. I njëjti qëllim që riktheu Ibrahimoviçin te kuqezinjtë dhe që solli konfirmimin e Tomorit. Nuk ka gjasa që anglezi të jetë ndaj Interit dhe Pioli do të duhet të mbështetet te Kalulu dhe Romanjoli në mbrojtje.
Kalulu është i ri, Romanjoli një kapiten i rikthyer pas shumë fatkeqësive. Por çështja më e rëndësishme ka të bëjë me sulmin dhe boshllëkun që duhet mbushur pa suedezin.
Pioli ka kohë për të provuar, Zhiru është gati të tregojë vlerën e tij. Palmaresi siguron një prestigj të padiskutueshëm, pjesa tjetër do të duhet të shihet sot, në terreni e restauruar të “San Siro”-s.
Sot në 18:00 në San Siro, luhet derbi italian mes Interit dhe Milanit.
Të dyja skuadrat luftojnë për kreun e Serie A.
Më poshtë keni formacionet e mundshme:
