Personi që mori peng avionin Airbus A320 të kompanisë egjiptiane EgyptAir është një profesor veterinarie në Universitetin e Aleksandrias, i cili ka dhënë mësim edhe në Atlanta në SHBA. 59-vjeç ka shtetësi të dyfishtë, egjiptiane dhe amerikane, ka qenë i martuar me një shtetase qipriote, Maria Parashkou, dhe ka katër fëmijë.
Ai mori peng avionin e linjës Aleksandria-Kairo, duke kërcënuar pilotin me një brez eksploziv, por së fundi media egjiptiane bën të ditur se nuk avion nuk ka eksploziv.
Në avion ishin 56 pasagjerë dhe shtatë anëtarë të ekuipazhit.
Pasi detyroi avionin të ulej në Larnaka të Qipros, ai liroi fillimisht gratë e fëmijët, pastaj të gjithë pasagjerët, përveç katër jo-egjiptianëve dhe ekuipazhin. Kërkesat e tij ishin azil politik në Qipro dhe dorëzimin e një letre prej katër faqesh për gruan.
Nisur nga këtë kërkesa, Ministria e Jashtme e Egjiptit nxori një deklaratë ku e quante idiot.
“Terroristët janë të çmendur, por jo budallenj. Ky person është idiot, jo terrorist”, thoshte deklarata.
