Ibra po tregon një natyrë tjetër dhe i del në mbrojtje shokut të vet të ekipit. Sulmuesi Zlatan Ibrahimoviç i ka dalë në mbrojtje bashkëlojtarit te Manchester Unitedi, mesfushorit Paul Pogba, pasi futbollisti më i shtrenjtë në botë po kritikohet për paraqitje të dobëta te skuadra angleze.
Pogba ka dështuar deri më tash të tregojë cilësitë që ka te Manchester Unitedi, kurse në humbjen 2:1 nga Manchester City nuk është vërejtur fare në fushë, shkruan Daily Mirror.
Ai para fillimit të këtij edicioni u transferua te Manchester Unitedi nga skuadra e Juventusit për 105 milionë euro, dëmshpërblim rekord.
Por Ibrahimoviç është plotësisht i bindur se të gjithë kritikët e Pogbas shumë shpejt do të heshtin. Ibra beson se Pogba shumë shpejt do ta dëshmojë veten si futbollisti më i shtrenjtë në botë.
Suedezi ka thënë se të gjithë ata që po e kritikojnë Pogban janë xhelozë në futbollistin francez…, përgatiti Koha. (b.an)
