Gazeta amerikane Invetors Business Daily, ka realizuar një editorial rreth terrorizmit në Kosovë. Këtë të fundit e quan shtet të çliruar nga Amerika, por që terrorizmi po lulëzon në të. “Shteti Islamik lirshëm po vepron në katër shtetet muslimane që i ka “çliruar” Amerika, në Irak, Libi, Afganistan dhe tani, sipas Byrosë Federale të Hetimeve edhe në Kosovë.A është ky falënderimi që e marrim ne për derdhjen e gjakut dhe të parave tona,” shtron pyetjen kolumnisti i paemëruar në të përjavshmen Investor’s Business Daily që botohet në Los Angeles. Kjo e përjavshme ka shkrime dhe editoriale me tema nga fusha ekonomike, politike dhe kulturore nga gazetarë dhe kolumistë të njohur si Richard Cohen, Charles Krauthammer, e të tjerë, me pikëpamje liberale dhe djathtiste.
Më tej në këtë editorial thuhet se Byroja Federale Amerikane ka akuzuar një shtetas të Kosovës i cili kishte hy në kompjuterat e Pentagonit duke vjedh informacionet personale për 1 mijë e 351 pjesëtarë të ushtrisë dhe qeverisë amerikane dhe të familjeve të tyre, përfshirë “email-at, fjalëkalimet, emrat, numrat e tyre të telefonit dhe informacionit e vendndodhjes së tyre.”
