Vajza që shihni në foton më poshtë është 23-vjeçarja Sabrina Benga, e cila u ekzekutua mbrëmjen e të premtes në shtëpinë e prindërve të saj, nga ish-bashkëshorti, Elton Metaj.
Policia e arrestoi autorin e krimit në fshatin Zhupan disa orë pas ngjarjes.
“Pas 3 orë ndjekjesh në kushte të vështira për shkak të errësirës dhe rrezikshmërisë që kishte ky person pasi ishte i armatosur, u kap nga Policia në një zonë të pyllëzuar në fshatin Peshtan autori bashkë me armën e krimit”, bënë me dije blutë e Fierit.
Shtetasi Elton Metaj kishte shkuar për t’u sqaruar me ish-gruan e tij Sabrina Benga, në banesën e prindërve të viktimës.
Ditët e fundit ai po i lutej vazhdimisht ish-bashkëshortes që të riktheheshin bashkë, por ajo nuk pranonte.
Mbrëmjen e të premtes ai kishte shkuar për të diskutuar në banesën e ish-vjehrrit. Por duket se debati verbal me ish-gruan ka degjeneruar në fyerje, dhe mandej në përdorimin e armës së zjarrit.
Elton Metaj njihej si një person problematik, dhe i skeduar nga policia.
Para një viti ai kishte kërcënuar familjen e ish-vjehrrit, vepër për të cilën kishte bërë edhe burg.
Një vit më parë, pasi ishte arrestuar nga policia Elton Metaj kishte kërcënuar se do vriste veten. Babai i Eltonit do të shprehej para një viti si i biri vuante nga depresioni.
g.kosovari
