E kërkuan në rrugët e shtetit, por u gjet pa jetë në një akuarium me peshq.Ngjarja e frikshme është zbuluar në San Francisko, në një banesë ku policia gjeti mbetje njerëzore në akuarium.
Ai rezultoi të ishte pronari i shtëpisë, Brian Egg, 65 vjeç, që ishte raportuar i humbur nga familja dhe fqinjët e tij në fund të muajit të kaluar.
Komandanti i Policisë Greg McEachern u tha gazetarëve të martën se ishte duke u kryer një autopsy.
Kur 65-vjeçari u zhduk, policia kontrolloi 3 herë shtëpinë e tij në distriktin e South of Market, por nuk panë asgjë të dyshimtë.
Por, më 14 gusht, fqinjët raportuan se kishin parë një kamion privat jashtë ndërtesës së bashku me një person të dyshimtë.
Policia arrestoi personin dhe hyri në shtëpi. Nuk kishte asnjë shenjë të Egg, por hetuesit gjetën dëshmi duke përfshirë produktet e pastrimit dhe aromat e dyshimta në shtëpi.
Të nesërmen, një kërkim më i detajuar u krye dhe mbetjet e njeriut u gjetën brenda një akuariumi peshqish, në atë që McEachern e përshkroi si “një zonë e fshehur banimi”.
Dy të dyshuar u akuzuan fillimisht për vrasje, mashtrim, vjedhje dhe abuzim, por akuzat u hodhën poshtë nga prokurorët.
Një nga ata të arrestuar mbetet në paraburgim për prishje të provave, thanë zyrtarët.
/b.d
