Edmond Zogaj është arrestuar nga policia pasi është autori i zjarrvënies në Ksamil.
Mësohet se ai është një 25-vjeçar banues në Ksamil, dhe mbrëmjen e djeshme, në kodrën në lagjen nr.1, Ksamil, ky shtetas dyshohet se ka djegur me zjarr, një sipërfaqe toke me shkurre dhe pemë ullishte.
Zjarri u përhap me shpejtësi ndërsa lajmi u përhap edhe në mediat greke.
Njoftimi i policisë:
Vijon puna për vënien përpara përgjegjsisë ligjore të atyre shtetasve që kryejnë krime mjedisore.
Arrestohet një 25-vjeçar, për zjarrëvënie në Ksamil.
Specialistët për Hetimin e Krimeve në Stacionin e Policisë Sarandë, arrestuan në flagrancë për veprën penale “Shkatrrimi i pronës me zjarr”, shtetasin E. Z, 25 vjeç, banues në Ksamil, pasi mbrëmjen e djeshme, në kodrën në lagjen nr.1, Ksamil, ky shtetas dyshohet se ka djegur me zjarr, një sipërfaqe toke me shkurre dhe pemë ullishte.
Materialet i kaluan Prokurorisë, për veprime të mëtejshme.
g.kosovari
