Pas shpërthimit të automjetit mbrëmë në Vlorë, pak metra larg vendit ku u ekzekutua me 4 plumba tropojani që jetonte në qytetin bregdetar vjen rrëfimi i pronarit të makinës.
Ai është Elton Ismaili, i cili tregon se i janë vrarë familjarë më parë dhe ngjarjet kanë mbetur pa autore. Viktima kane mbetur vellai, motra, daja dhe ortaku i tij.
“Makina ishte e parkuar afër banesës së prinderve te mi”- thote ai, teksa shton se ka shpetuar per mrekulli, raporton “Panorama”.
Sipas tij, ai ka pasur nuk ka dijeni se kush mund t’i ketë vendosur tritol automjetit të tij dhe policia duhet ta zbardhe ngjarjen.
“Panorama” raporton se ne vitin 1996 Ismailt i kane vrarë vëllanë. Vite me vone, ne 2006 i kanë vrarë dajën dhe një vit pas tij, ne vitin 2007 i kanë vrarë motrën.
‘Sikur plasi bomba atomike’, shpërthen automjeti pak metra larg atentatit në Vlorë
Pak minuta pasi ndodhi vrasja e 35-vjeçarit në Vlorë, një automjet ka shpërthyer me tritol. Shpërthimi i mjetit ndodhi vetëm 100 metra larg vrasjes së Fatjon Sinanit.
Bëhet fjalë për një automjet tip Ford Focus me targa AA987KP. Nuk dihet ende nëse shpërthimi ka lidhje me vrasjen.
Forca të shumta policie ndodhen në vendin e ngjarjes. Blutë në vendin e ngjarjes thonë se vrasja dhe shpërthimi nuk duket se kanë lidhje me njëri – tjetrin, shkruan G.SH.
Ndërkohë, banorët e zonës ku ndodhi shpërthimi thanë se ai ju duk “sikur plasi bomba atomike”. “Televizori ra në tokë”, rrëfu një prej fqinjëve.
NJOFTIMI I POLICISE
Rreth orës 22:58, në lagjen “15 Tetori”, autorë të paidentifikuar ende i kanë vënë lëndë plasëse (shpërthyese) automjetit tip Ford Autoveturë me targë AA 987 KP.
Automjeti ka qenë i parkuar në një rrugë dytësore pranë Bashkisë së qytetit, në pronësi të shtetasit E.I., 42 vjeç.
Si pasojë e shpërthimit mjeti është dëmtuar në pjesën e përparme.
Grupi hetimor ndodhet në vendngjarje duke kryer hetimet e mëtejshme në lidhje me sqarimin e rrethanave të këtij rasti.
Po punohet për identifikimin dhe kapjen e autorit.
