Christiano Panucci pëson një tjetër humbje si trajner i Kombëtares. Këtë herë jo në fushën e lojës, por në rrugë ligjore.
Gjykata nuk ka pranuar padinë e trajnerit të Kombëtares shqiptare kundër ish-presidentin Bujar Nishani, i cili pas humbjes së ndeshjes ndaj Kosovës, e etiketoi atë “sharlatan”.
Avokati i ish presidentit Nishani, Indrit Sefa, konfirmoi se padia e trajnerit të Kombëtares është rrëzuar nga Gjykata.
Avokatët e ish presidentit kanë ironizuar pas këtij vendimi duke shkruar në faqen e tyre zyrtare në Facebook: “Kur liria e shprehjes triumfon… Panucci duhet të punoje për të fituar në fushë se drejtësia i përket profesionisteve të tjerë”.
Kujtojmë se padia ishte depozituar në gjykatën civile të Tiranës nga avokatët e Panuccit, i cili kërkoi që të dëmshpërblehet për dëmin që i kanë shkaktuar deklaratat e ish-Presidentit Nishani, duke kërkuar një dëmshpërblim prej 100 mijë eurosh.
/a.rada
