Në kuadër të operacionit policor të koduar “Kontrata” është arrestuar 30-vjeçari nga Kosova me iniciale R.M.
Policia njofton se i riu i ka siguruar kontratë punësimi fiktive 24-vjeçarit nga Bregu i Fildishtë me qëllim që pasi ai të hynte në Shqipëri, ta ndihmonte atë kundrejt fitimit për të kaluar në mënyrë të jashtëligjshme drejt vendeve të Bashkimit Europian.
Në vijim të veprimeve u referuan materialet në Prokurori ku nisi procedimi penal për shtetasin e huaj, 24-vjeçarin me iniciale A. K., i cili kishte hyrë në Shqipëri me vizë të falsifikuar që ia kishte siguruar 30-vjeçari.
Vijon puna për identifikimin e personave të tjerë të përfshirë në këtë veprimtari kriminale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
/a.r
