Kryeministri Edi Rama pasi shkarkoi disa prej ministrave të tij dhe bëri pjesë disa të tjerë në kabinetin e tij qeveritar, shkoi në premierën e filmit “ Thesaret e Adriatikut-Shqipëria”.
Kreu i qeverisë ishte i shoqëruar nga bashkëshortja e tij, Linda Rama dhe djali i tyre, Zaho. Rama u fotografua jashtë ambienteve të kinemasë Millenium, në Tiranë, për të parë shfaqjen e dokumentarit të BBC “Thesaret e Adriatikut – Shqipëri” me Bettany Hughes.
I pranishëm ka qenë edhe ambasadori i Britanisë në vendin tonë, Alastair King-Smith, i cili është filmuar teksa bisedon me Ramën. Gjithashtu në premierën e këtij dokumentari kanë marrë pjesë edhe ministrat, Elisa Spiropali, Anila Denaj, Ervin Mete, Mirela Kumbaro, Elva Margariti dhe Belinda Balluku.
/f.s
