Një 17-vjeçar ka thirrur nënën e tij në rubrikën “Ka një mesazh për ty”, për t’i bërë asaj një surprizë. I riu i ka prezantuar mamasë “të dashurën” e çuditshme, e cila duket se e ka trembur disi zonjën me tipin dhe premtimet e saj.
“Nuk kam mbaruar as 9-vjeçaren, por të premtoj se do rri në dhomë tërë ditën me djalin tënd dhe ai do mbarojë tre fakultete për ty. Unë nuk di të gatuaj, por do përpiqem të mësoj dhe të gatuaj për ty mami. Djalin tënd e kam njohur para 20 ditësh në Facebook”, kanë qenë këto fjalët që kanë trembur zonjën e thirrur në këtë rubrikë, e cila thoshte herë pas here që “kjo ishte një lojë” pasi nuk u besonte syve. Më pas shfaqet dhe djali i saj, i kapur për dore me të dashurën e tij.
“Ti gjithmonë më thoje gjej një të dashur, ja dhe unë e gjeta”, kanë qenë këto fjalët e 17-vjeçarit. Më pas ai i ka thënë të ëmës se ndihet krenar për të dhe i premton se nuk do e mërzisë më, madje do mundohet të mësojë më shumë, ndërsa kërkon nga ajo që ta lejojë të ndjekë rrugën që ka nisur. Fjalë këto që kanë prekur zonjën por edhe djalin tjetër të vogël.
Në fund familja bashkohet për të bërë një foto, ndërsa Gjebrea shton se “e dashura” ishte thjesht një lojë për nënën e djemve./joq/a.k
