Një aksident i tmerrshëm rrugor ndodhi së fundmi në Itali ku e ka pësuar një familje shqiptare.
Makina që drejtohej nga shqiptari u godit nga një kamion të cilin e drejtonte një 58 vjeçar italian, që sipas mediave vendase ka qenë nën efektin e alkoolit.
Aksidenti tragjik ndodhi në Marostica ndersa për shkak të dëmtimeve të shumta që fëmija vetëm 14-muajsh kishte pësuar, mjekët janë detyruar t’i presin njërën këmbë.
Një ditë pas tragjedisë, babai i vogëlushit nuk ka fjalë ngushëllimi për atë që e ka gjetur.
“Nuk mund ta falim kurrë këtë gjë. Ai burri ishte i dehur në timon dhe shkatërroi përgjithmonë jetën e djalit tonë. Përgjigja e vetme është drejtësia dhe burgu”, ka thënë ai.
Babai i fëmijës vijon më tej:
“Asnjë hakmarrje, por drejtësi, vetëm drejtësi. Kjo është ajo që duam. Por drejtësi të vërtetë ashtu si duhet të jetë drejtësia në këtë rast kur iu shkatërrua e ardhmja një fëmije. Jemi shqiptarë, jetojmë prej shumë vitesh në Marostica dhe kemi shumë miq. Por ajo që na mundon, është pyetja, se cfarë do të ndodhte nëse fajtorët do të ishim ne”.
Gjatë aksidentit u lënduan edhe nëna e vajzës, me fakturë në krah, si edhe babai i cili goditi me grusht dritaren e kamionit nga zemërimi, duke pësuar prerje në damarë.
Fëmija ndodhet i shtruar në spitalin e Padovas, ku për shkak të gjendjes kritike po lufton për jetën.
Shoferi i kamionit Pietro Dal Santo, i cili dyshohet se shkaktoi aksidentin, është arrestuar nga policia vendase teksa tentoi t’i ikte postbllokut.
/a.rada
