Një ngjarje e rëndë është shënuar në Poliçan mbrëmjen e së dielës.
Mësohet se një 21-vjeçar ka mbetur i plagosur rëndë pasi arma që posedonte i ka plasur në dorë.
Nga informacionet e para bëhet e ditur se Aleksandër Shatro po bënte qitje me armën e gjahut.
Forca të shumta policie kanë mbërritur në vendin e ngjarjes për hetime të thelluara, ndërsa ambulanca e ka transportuar Shatron fillimisht në Spitalin e Beratit, e më pas te “Trauma” në Tiranë.
Njoftimi i plotë i Policisë
“Specialistët e Seksionit për Krimet filluan procedimin penal në gjendje të lirë për shtetasin:
A.Sh, 21 vjeç, banues në Poliçan, Skrapar, pasi duke bërë qitje me një armë gjahu artizanale e improvizuar prej tij, është dëmtuar nga gazrat dhe gjylpëra e armës në fytyrë.
Pas ndihmës së parë mjeksore në Spitalin Rajonal Berat është dërguar për mjekim më të specializuar në Tiranë, aktualisht jashtë rrezikut për jetën.
Materialet u referuan në Prokurorinë e Rrethit Gjyqësor Berat, për veprat penale “Prodhim dhe mbajtje pa leje e armëve të gjuetis dhe sportive ” dhe “Prishje të qetësisë publike “, parashikuar nga nenet 274 e 280 i Kodit Penal”, njofton policia.
/a.r
