Policia ka sekuestruar një gomone në Triportin e Vlorës e cila i përkiste grupit kriminal që vepronte në Shqipëri dhe Itali.
“Balkanweb” siguron foton e gomones teksa mësohet se ky mjet lundrues përdorej nga trafikantët për të dërguar drogë drejt Italia apo për ta sjellë drejt Shqipërisë.
Skafi po dërgohet në pikën e bllokimit në Vlorë.
Ndërkohë në Itali u sekuestruan 3.5 ton drogë me vlerë 40 milionë euro kurse në pranga ranë 37 anëtarë të grupit kriminal, 10 prej të cilëve në Tiranë dhe Vlorë në Shqipëri.
Anti-mafia italiane në bashkëpunim me SPAK dhe Policinë shqiptare kanë finalizuar operacioniet anti-drogë të koduara “Shefi” dhe “Kulmi”, ku janë arrestuar 37 persona. Në këto operacione janë kapur 40 mln euro drogë dhe janë vënë nën sekuestro 4 mln euro pasuri. Mësohet se në Shqipëri janë arrestuar 10 persona gjatë aksionit të zhvilluar në Vlorë dhe Tiranë.
g.kosovari
