20 vjet në Serinë A për Gianluggi Buffon. Ishte data 11 Nëntor 1995 kur në stadiumin Tardini në sfidën Parma-Milan që përfundoi në barazim 0-0, në radhët e skuadrës emiliane bënte debutimin një portier 17-vjecar. Buffon shkëlqeu në paraqitjen e tij parë ndërsa pjesa tjetër e historisë tashmë dihet. Fillimisht Parma, më pas Juventusi, kombëtarja italiane dhe shumë triumfe të njëpasnjëshme. Nga ai djalosh i shpresave të mëdha Buffon tanimë është shndërruar në një monument të futbollit italian dhe atij ndërkombëtar. Me 565 prezenca në Serinë A, dhe 154 paraqitje me kombëtaren e kaltër këtë 19 Nëntor ai feston 20 vite karrierë si një fenomen absolut. Kanë kaluar 2 shekuj nga debutimi i tij dhe urimet në drejtim të Giggit kanë qenë të shumta. Bashkë me të këtë 19 Nëntor festojnë të gjithë, klubi i Juventusit, Seria A, Uefa shokë dhe kundërshtarë, italianë dhe të huaj.
Edhe vetë Gigi në profilin e tij në Facebook ka luajtur disi duke publikuar disa postime që na kujtojnë të kaluarën e tij. Ndërkohë faqja e UEFA-s përvec se uron për këto 20 vite karrierë ka përcjellë edhe një intervistë të 37-vjecarit. Më pëlqente të shënoja gola shprehet Buffon por fati e deshi që të bëhesha portier. Babai im më sugjeroi të ndërroja rol dhe të luaja në portë thekson Giggi, për Uefan. Si për koencidencë të Shtunën nëse ia del të riaftësohet në kohë ai do të ketë sërish përballë Milanin, plot 20 vjet pas atij debutimi fatsjellës ndaj kuqezinjëve.
Supersport
