Arbër Kotaj, 26 vjeç, personi që vrau me thikë Idajet Dullën, ngjarje e ndodhur para dy ditëve është lënë në burg. Kotaj ka dalë sot para trupit gjykues në Gjykatën e Durrësit, dhe është njohur me masën e sigurisë.
Përpara trupit gjykues, Kotaj është shfaqur i penduar për ngjarjen dhe u ka kërkuar falje familjarëve të viktimës, Dulla.
“Kërkoj ndjesë, jam penduar për ngjarjen,”- është shprehur Kotaj.
Ngjarja e rëndë ndodhi të shtunën që kaloi për shkaqe banale. 33-vjeçari, babai i dy djemve të mitur u konfliktua me Kotajn për një vend parkimi dhe gjithçka përfundoi në tragjedi.
g.kosovari
