Gjykata e Tiranës ka pranuar kërkesën e prokurorisë duke lënë në burg infermieren e infektivit Ronida Hysi.
30-vjeçarja do të qëndrojë pas hekurave të paktën deri në përfundim të hetimeve.
30 vjeçarja u arrestua 2 dy ditë më parë, pasi akuzohet se i ka vjedhur lekë një të infektuari me koronavirus, i cili ndërroi jetë në pavionin ku ajo shërbente.
E reja ka shfaqur pendesë përpara gjykatës dhe ka pranuar vjedhjen. Ajo është shprehur përpara se e ka kryer gjestin për shkak të gjendjes së saj të keqe ekonomike pasi është e divorcuar dhe jetonte vetëm me djalin e saj 2 vjeçar.
Rasti i 30-vjeçares Hysi u denoncua nga 25-vjeçari me inicialet F.D., djali i pacientit me inicialet K.C., 58 vjeç, i cili ishte i shtruar në spitalin e Infektit ku dhe ndërroi jetë.
Avokati i saj është shprehur se Ediona e kishte gjetur portofolin dhe nuk ia kishte vjedhur pacientit.
Sipas dosjes së prokurorisë, Hysi i ka tërhequr paratë e pacientet me koronavirus në tre këste nga 20 mijë lekë të reja, më datë 25 dhjetor në një bankomat pranë QSUT. Po ashtu, mësohet se e reja ka tentuar të bëjë edhe një tërheqje tjetër në një bankomat në rrugën Tiranë-Durrës por në llogari nuk ka pasur më para.
Në dosje janë të provuara tërheqjet që ka kryer infermierja nëpërmjet kamerave të sigurisë. Sakaq, prokuroria do të hetojë edhe nëse ka pasur raste të tjera që 30-vjeçarja mund t’u ketë marrë para pacienteve.
