Një 15-vjeçar shqiptar i identifikuar si Enriko Buzani humbi jetën si pasojë e një aksidenti në Greqi.
Aksidenti ndodhi ditën e djeshme në qytetin Kyparissia. Mediat greke shkruajnë se shqiptari kishte marrë fshehur makinën e babait të tij për të dalë xhiro bashkë me dy shokët, të cilët po ashtu humbën jetën.
Në makinë së bashku me shqiptarin ndodheshin dy shokët e tij, Niko Trialona 15 vjeç me origjinë greke dhe Kristo Mertai me origjinë bullgare. Tre adoleshentët ishin lojtarë të klubit të futbollit ‘Kyparissia’, dhe konsideroheshin si talente.
Adoleshentët u përplasën me një furgon në aksin kombëtar Pirgo-Methoni, pranë Terpsitheas, jashtë Kiparisias. Greku dhe bullgari mbetën të vdekurn në vend, ndërsa 15-vjeçari shqiptari ndërroi jetë pak para mberritjes në spitalin e Rios. Gjatë përplasjes mbeti i plagosur lehtë dhe drejtuesi i furgonit, një 48-vjecar.
a.ç
