Është liruar nga burgu Tire Alldervishi, sanitarja e spitalit ‘Shefqet Ndroqi’ e cila u arrestua pasi mori ryshfet nga vajza e një pacienteje me koronavirus. Ndaj saj eshte caktuar masa ‘arrest shtepie’.
Kujtojmë se Tire Alldervishi u hoq si infermiere dhe i mori 8 mln lekë vajzës së pacientes me COVID e cila ishte shtruar në spitalin ‘Shefqet Ndroqi’.
Ka qenë vajza e 55-vjeçares që humbi betejën me COVID pas 28 ditësh lufte me këtë sëmundje, e cila denoncoi rastin.
Komunikimet nëpërmjet WhatsApp-it të vajzës dhe nënës së saj, faktuan se edhe shërbimi, edhe përkujdesja ndaj të ndjerës, nuk kanë qenë ato që pretendohen.
E ndjera është ankuar se sanitarja që e kishte paguar nën dore i ka hequr bukën, ujin dhe nuk e ka ndërruar, për shkak se të gjitha nevojat personale ajo detyrohej t’i kryente në krevat.
/b.h
