Daniel Jacobs, boksieri amerikan që i mbijetoi kancerit, po vazhdon të bëjë mrekulli në ring. I mbijetuari nga kanceri, Daniel Jacobs, ka bërë sensacion të madh duke mposhtur të shtunën mbrëma amerikanin Peter Quillin, në luftën për titullin e botës në versionin WBA në kategorinë e mesme.
28-vjeçari, që po ashtu është amerikan, ishte pronar i titullit. Ai tronditi Quillinin me një seri të goditjeve dhe arbitri Harvey Dock ndërpreu meçin kur kishin kaluar 1:25 minuta në raundin e parë. Për Quillinin ishte humbja e parë në 34 meçe profesioniste. Ai ka 32 fitore dhe një barazim.
https://www.youtube.com/watch?v=JphUEg1z1bE
“Shpejtësia vret. Nuk ka goditje me fat në boks. Unë e kam goditur atë me disa grushte të forta. Kur e kam parë se është i lënduar kam vazhduar”, ka thënë Jacobs, që tash ka 31 fitore e një humbje.
Amerikani Jacobs në vitin 2011 ishte diagnostikuar me kancer të eshtrave, një formë agresive e kancerit që i kishte dëmtuar nervat dhe kishte shkaktuar paralizë të pjesshme në këmbët e tij.
Ai pas operimit u kthye pas një mungese të gjatë 19-mujore. Ndërsa titullin e botës e fitoi sërish në gusht të vitit 2014 kur e mposhti me nokaut teknik në raundin e pestë australianin Jarrod Fletche
