Pas muajsh kërkime policia italiane ka arrestuar një shqiptar, i cili akuzohet se është shoferi i “Audit të verdhë”, që u shndërrua në tmerrin e pjesës verilindore të Italisë.
Mediat italiane, raportojnë se shqiptari 36-vjeçar, emri i të cilit nuk bëhet i ditur u prangos nga policia e Venecias në kufirin midis Shqipërisë dhe Greqisë. Arrestimi i tij, sipas policisë italiane mundësohet pas 8 muajsh ndjekje dhe hetimesh intensive.
Policia njoftoi aso kohe se makina u vodh në Milano me 26 dhjetor 2015. Banda që shëtiste me të e bënte vjedhje e grabitje arrinte ti shpëtonte gjithnjë ndjekjes së policisë.
Tre shqiptarët udhëtonin me të me shpejtësi që arrinte deri 270 km në orë. Ata u pikasën kur aksidentuan një grua në rrugë.
Ajo u gjet e djegur mes komunave One’ di Fonte dhe Asolo të Trevizos, kohë kur policia nisi të hetonte më pas edhe për shenjat që mund të kishin lënë autorët./panorama/a.k
