Juxhin Drazhi, një nga anëtarët e grupit të Troplinëve të drejtuar nga Ervis Doçi (i njohur si Visi i Pojës), është prangosur nga Interpoli në Spanjë. Pas urdhër-arrestit ndërkombëtar të lëshuar nga SPAK, Drazhi është lokalizuar dhe arrestuar në një vilë luksoze.
Prokuroria e Posaçme e akuzon këtë shtetas për veprat penale “Trafikim të i lëndëve narkotike” kryer në bashkëpunim dhe “Grupit të strukturuar kriminal”. Në emër të Juxhin Drazhit rezulton i regjistruar në Durrës, një biznes i tregtimit të automjeteve dhe lënies me qira të tyre.
Ndërkohë nga hetimet e kryera, SPAK ka zbuluar 10 pasuri në emër të shoqërisë “Majestic Konstruksion”. Pronari i kësaj shoqërie rezulton të jetë aktualisht Nazmi Shahini, i cili gjatë vitit 2021 rezulton të ketë shitur 100 për qind aksionet e kompanisë te Arben Drazhi, babai i Juxhinit.
Por dy muaj nga kjo shitje, kompania “Majestic Konstruksion” rishitet sërish nga Arben Drazhi tek Nazmi Shahini. Këto dy lëvizje janë kryer brenda një kohe vetëm dy mujore dhe kontratat janë përpiluar jo para një noteri publik.
SPAK ngre dyshime të forta se kompania “Majestic Konstruksion” dhe të gjitha pasuritë e sipërfaqet e tokave të regjistruara në Hipotekë në emër të saj, i përkasin familjarëve të personit nën hetim Juxhin Drazhi.
Vendimin për sekuestrimin e “Majestic Konstruksion” dhe 9 sipërfaqeve të tokës është marrë në 21 Maj 2025, ndërsa në 27 Maj është ekzekutuar në Qendrën Kombëtare të Biznesit dhe Zyrën e Hipotekës Durrë
