Shiu i rrëmbyeshëm që ra në Vlorë gjatë orëve të mbrëmjes dhe orëve të para të mëngjesit ka sjellë përmbytjen e disa prej akseve kryesore rrugore të qytetit.
Pika më kritike mbetet zona pranë Albanos dhe Rominës, ndërsa përmbytje ka pasur edhe tek rruga e Cipajve, pranë portit detar, si edhe në Bulevardin e ri Vlorë-Skelë.
Në Vlore uji ka arritur në disa centimetra dhe disa nga blloqet e banimit janë përmbytur gjithashtu.
Sa herë ka reshje intensive shiu, qyteti i Vlorës ka të njëjtat problematika.
Por situata problematike ndodhet në gjithë vendin ditën e sotme do të mbizotërojnë reshjet e shiut, teksa në një pjesë të qarqeve duke përfshirë edhe Tiranën kanë filluar furishëm. Instituti i Gjeoshkencave, Energjisë, Ujit dhe Mjedisit (IGJEUM) thekson se reshjet do të jenë mesatare në gjysmën e qarqeve, ndërsa në gjysmën tjetër priten intensive.
Në Vlorë dhe Gjirokastër priten reshje shumë intensive, ndërsa po sipas IGJEUM, ekziston mundësia që në zona të kufizuara, reshjet të jenë në formë shtrëngate dhe me rrufe me kohëzgjatje të shkurtër, më të mundshme në terrenet malore.
Sot temperaturat minimale dhe maksimale të ajrit pritet të arrijnë: Në bregdet: 12 / 20 °C, në vendet e ulëta: 12 / 20 °C dhe në vendet malore: 8 / 16 °C. Era pritet të fryjë e lehtë deri mesatare, por pasdite në zonën bregdetare dhe veri-lindore ajo pritet të forcohet. Deri në gjysmën e muajit moti do të jetë i pa qëndrueshëm me vranësira dhe temperaturat do të bien.
