Funerali i Aron Tila, fëmijës 4-vjeçar shqiptar që vdiq nga shembja e ndërtesës në në Itali, do të mbahet sot në orën 11 në kishën Sant’Antonio Abate në Torino.
Sipas La Stampa, komuna e ka shpallur qytetin zi për t’i bërë njerëzit të ndiejnë afërsinë e popullsisë me familjen. Kryebashkiakja, Chiara Appendino do të marrë pjesë në funeral.
Sot, flamujt do të shfaqen në gjysmështizë në ndërtesat komunale, në ato të organeve publike dhe në shkolla. Ngjarjet muzikore të organizuara në hapësirat publike do të pezullohen në të gjithë qytetin.
Nertila Tila, nëna e Aronit 4-vjeçar nuk ka mundur ta përballojë humbjen e vogëlushit të saj dhe ka humbur ndjenjat në momentin kur ka parë arkivolin e bardhë të djalit të saj.
Familja Tila sapo ishte zhvendosur në papafingos e ndërtesës ku ishin transferuar nga Napoli për një jetë më të mirë. Duke parë kushtet e apartamentit i cili kishte vetëm një dhomë fatmirësisht babai i Aron dhe dy fëmijët e tjerë shkuan të flinin diku tjetër duke lënë në shtëpi vetëm Nertilën me Aronin. Ndërtesa në Strada Bramafame 42 në Torino u shemb pas një shpërthimi, pas një rrjedhje gazi, të martën më 24 gusht 2021.
g.kosovari
