Mësimi për institucionet arsimore do të shtyhet edhe për një javë, për të filluar më datën 16 janar. Ky është vendimi që qeveria po shqyrton dhe pritet të bëjë zyrtar në orët në vijim.
Ministria e Shëndetësisë ka kërkuar nga ana e saj që mësimi të pezullohet për shkak të epidemisë së gripit dhe kushteve të disfavorshme që paraqet moti në vend.
Vendimi do të zbatohet për çerdhet, kopshtet, shkollat parauniversitare. Kësisoj qeveria do të shtyjë vendimin e saj për të rihapur shkollat e sistemit parauniversitar më 9 janar, duke i shtuar edhe një javë kohë mbylljes së këtyre institucioneve arsimore./java/a.k
