Është e vështirë që të kesh të njëjtin mbiemër me ish-kryeministrin Sali Berisha, dhe aq më tepër kur ke vendosur që vetes t’i ndërtosh një reputacion si “i forti” i Durrësit.
Kështu të paktën është ndjerë Lul Berisha i cili në një projekt social-kulturor të organizuar nga Drejtoria e Burgjeve, ka shprehur dashurinë e tij për ish-kryeministrin.
Në fakt ka qenë ish-Ministri i Jashtëm Besnik Mustafaj i cili nga burgu i Fushë-Krujës ka shkëmbyer batuta me Lul Berishën.
“Ç’ka heqë Sali Berisha, se të mendonin kushëri të tij. Sa herë më është dashur të sqaroj të huajt se nuk kishte lidhje me ty”, mësohet t’i ketë thënë Mustafa atij.
Por Berisha me të qeshur ka pranuar se e ka dashur Sali Berishën, por edhe se në të njëjtën kohë ka vuajtur nga ky mbiemër.
“Unë e kam dashtë, por edhe kam vuajtur shumë nga ky mbiemër”, mësohet se i ka thënë ai.
Lul Berisha ka ripërsëritur se është i pafajshëm për akuzat që rëndojnë ndaj tij dhe tha se do të vazhdojë betejën e tij me drejtësinë
