Missé Beqiri është parë për herë të parë në publik që kur vëllai i saj u qëllua për vdekje në prag të Krishtlindjes.
Modelja dhe ylli i reality show-t “The Real Housewives”, 33 vjeç, është fotografuar duke shëtitur me të birin Julian, 5 vjeç dhe vajzën River, 2 vjeçe, të hënën, pesë javë pasi vëllai i saj Flamur (Alex) Beqiri, 36 vjeç, u qëllua për vdekje para familjes së tij.
Modelja me origjinë shqiptare shihej duke biseduar me djalin Julian, të cilin e ka me ish-burrin e saj, ish-yllin e Manchester United, Anders Lindegaard, 35 vjeç.
Missé kishte në gisht një unazë që ia ka dhuruar partneri Jake pasi “MailOnline” raporton se ai i ka propozuar sërish asaj gjatë periudhës së Krishtlindjes, për të nisur një kapitull të ri në jetën e tyre.
“Incidenti i bëri ata të dy të kuptojnë se çfarë është më e rëndësishme – familja – kështu që natyrisht i afroi ata më pranë. Ri-propozimi nënkupton një kapitull të ri për ta si familje”.
Kjo periudhë ka qenë tepër e vështirë për modelen, e cila ka qenë në zi për humbjen e vëllait të saj 36-vjeçar.
Ai u qëllua për vdekje para gruas së tij që ulërinte, Debora Krasniqi dhe fëmijës, jashtë shtëpisë së tyre me vlerë 1.5 milionë paund në Battersea në prag të Krishtlindjes.
Kikboksieri suedez Anis Hemissi, 22 vjeç, nga Malmo, Suedi, u arrestua në aeroportin e Kopenhagës për vdekjen e Alex-it në 20 janar. /a.r
