Vizita e zëvendëskryeministrit të parë në Qeverisë së Serbisë, Ivica Daçiq, nuk u prit mirë nga të gjithë qytetarët serb në Komunën e Graçanicës.
Derisa pritej që Daçiq të arrinte në Manastirin e Graçanicës një qytetarë shprehu pakënaqësinë përmes një pankarte në lidhje me një aferë korruptive të zëvendëskryeministrit serb.
Mirëpo, pjesëtarë të partisë së Daçiqit në Graçanicë, larguan pankartën e cila ishte vendosur në ballkonin e një ndërtese përballë Manastirit, ku pritej Daçiqi, kurse, qytetari i cili vendosi atë u arrestua nga pjesëtarët e Policisë së Kosovës.
Pas largimit të pakartës kundërshtuese për Daçiqin, dhe arrestimit të personit që vendosi atë, qindra simpatizantë e pritën Daçiqin me duartrokitje dhe brohoritje mbështetëse për të. /KP/
