Ditën e sotme është ekstraduar nga Greqia në vendin tonë shtetasi Sajmir Brahimi.
Sipas policisë, 37 vjeçari është dënuar me 12 vite burg për vjedhje me dhunë në vitin 2016 nga Gjykata e Sarandës.
Mësohet se Brahimi në vitin 2014 i vodhi me dhunë një shumë të konsiderueshme eurosh dhe celularësh shtetasit me iniciale F.B.
NJOFTIMI:
️Interpol Tirana
Ekstradohet nga Greqia drejt Shqipërisë, një shtetas i shpallur në kërkim ndërkombëtar, pasi ishte i dënuar me 12 vjet burgim, për vjedhje me dhunë.
Si rezultat i bashkëpunimit të Interpol Tirana me homologët grekë është ekstraduar nga Greqia drejt Shqipërisë, shtetasi Sajmir Brahimi, 37 vjeç.
Ky shtetas ishte shpallur në kërkim ndërkombëtar nga Zyra Qendrore Kombëtare Interpol Tirana, pasi Gjykata e Rrethit Gjyqësor Sarandë, në vitin 2016, e ka dënuar me 12 vjet burgim, për veprën penale “Vjedhja me dhunë”, kryer në bashkëpunim.
Shtetasi Sajmir Brahimi, në bashkëpunim me shtetasin Q. B., në vitin 2014, në Sarandë, i ka vjedhur me dhunë shtetasit F. B., një shumë të konsiderueshme eurosh dhe 3 aparate celulare.
/e.d
