Një 53-vjeçar ka rënë në pranga, pasi në gjendje të dehur aksidentoi një mjet tjetër, teksa ecte kundravajtje. Burime zyrtare nga policia e Krujës bënë me dije se Hamid Aliu, 53 vjeç, banues në Mamurras, dje në orën 23:30 në rrugën nacionale Milot-Fushë Krujë, teksa drejtonte mjetin tip ‘Benz’ u fut në sens të kundërt të rrugës, ndërsa u përplas me automjetin tip ‘Opel’, me drejtues shtetasin A.K. 28 vjeç, banues në Tiranë.
Për pasojë është dëmtuar Hamid Aliu dhe pasagjeri në mjetin e tij, shtetasi P. M., 38 vjeç, banues në Mamurras, të cilët ndodhen në Spitalin Ushtarak Tiranë jashtë rrezikut për jetën.
Rezultoi që Aliu drejtonte automjetin pa leje drejtimi dhe në gjendje të dehur në masën 0.81 mg/l.
Materialet i kaluan Prokurorisë së Rrethit Gjyqësor Krujë për veprime të mëtejshme për veprat penale” Shkelja e rregullave të qarkullimit rrugor” dhe “Drejtimi i automjeteve në mënyrë të parregullt” parashikuar në nenet 290 dhe 291 të Kodit Penal./a.m.
