Një i burgosur vdiq pasi gëlltiti një qese me drogë e cila u fut në burg nga nëna e tij.
Shaun Hughes ndërroi jetë pasi nuk mund të merrte frymë si pasojë e “efekteve të një kombinimi droge”. Të paktën kështu thuhet në një raport nga një mbikëqyrës i burgjeve.
34-vjeçari u dënua me tre vjet e katër muaj në Janar të vitit2015 pasi u dënua për vjedhje, shkelje të drejtimit të automjetit dhe posedim droge.
Stafi i burgut pa nënën e tij t’i kalonte një send teksa po vizitonte burgun në mars 2016. Mediat raportojnë se stafi i burgut ndërhyri menjëherë, por Hughes e gëlltiti dozën me drogë gjatë një përleshje.
Më vonë, ai dhe nëna e tij i thanë stafit se pakoja përmbante drogë. Hughes u kthye në qelinë e tij dhe gardianët duhet ta vëzhgonin të paktën 1 herë në 60 minuta. Një infermiere e vizitoi atë menjëherë pas ngjarjes dhe vlerësoi se ai ishte “në formë dhe mirë”.
Por infermierja nuk vendosi që ai të vëzhgohej nga stafi dhe ai u pa për herë të fundit rreth orës 17:45 të pasdites. I burgosuri nuk u kontrollua gjatë pjesës tjetër të mbrëmjes ose gjatë natës dhe u gjet i pajetë në qelinë e tij në orën 5:57 të mëngjesit dhe u shpall i vdekur një orë më vonë.
Autoritetet kanë konstatuar se ai duhej të ishte dërguar në spital pasi u pa duke gëlltitur pakon me drogë. Ata gjithashtu kanë ngritur shqetësimin se ka pasur 12 vdekje të tjera në burg që nga vdekja e Hughes, dy prej të cilave mendohen se kanë lidhje me drogën.
Në raport thuhet se nuk kishte “procedura të qarta” në këtë burg për t’u marrë me incidente të tilla si ky.
“Nëse stafi ekspert mjekësor dhe infermieror do të kishte monitoruar zotin Hughes në përputhje me udhëzimet e praktikave më të mira, rezultati mund të kishte qenë i ndryshëm për të”, thuhej në raport.
/a.r
