Ardjas Markati ka rrëfyer jetën e tij të vështirë në studion e “Vizioni i Pasdites” të moderatores Brikena Prifti në Vizion Plus.
Ardjasi tregoi se prindërit e braktisën dy herë, herën e parë në “Shtëpinë e Fëmijës” ndërsa herën e dytë, ata nuk e pranuan.
Edhe pse nëna e tij ndryshe nga babai e ka pritur më mirë takimin me të, sërish Ardjasi thotë se nuk e pranon më në jetën e tij. Sipas tij pavarësisht dhunës apo presionit nga babai, ajo nuk sakrifikoi për fëmijët si nënë, por thjeshtë i dorëzoi në institucion.
Pjesë nga biseda:
Brikena Prifti: Folëm për babain, po për mamanë?
Ardjas Markati: Po e kam gjetur por nuk dua të kem të bëj me ta, as me vëllezërit.
Brikena Prifti: Je refuzuar edhe nga nëna?
Ardjas Markati: Nëna ka qenë e traumatizuar nga burri dhe na çoi në jetimore.
Brikena Prifti: E ke takuar?
Ardjas Markati: Po e kam takuar.
Brikena Prifti: Çfarë të ka thënë?
Ardjas Markati: Që ka qenë e traumatizuar nga babai.
Brikena Prifti: A e ke falur?
Ardjas Markati: Jo nuk e kam falur, pasi ajo nuk ka sakrifikuar për ne./m.j
