Sot hyn në fuqi vendimi i qeverisë për rritjen e pagave për administratën. Ministri i Financave Arben Ahmetaj në një deklaratë për mediat zbardhi edhe shumën shtesë pë përfitohet nga nëpunësit.
“Pas rritjes së pensioneve më 1 mars, duke angazuhar fondin më të madh të rritjes i akorduar nga buxheti i shtetit për rritjen e pagave, nga sot rritja e pagave mesatarisht 10% për punonjësit e administratës publike, nëpunësit civilë, aparatet e ministrive të linjës, administrata e Presidentit, administrata e Kuvendit, KQZ, Gjykata e Lartë, Prokuroria e Përgjithshme dhe administratën e Prefektit.
Sot është jetësyar edhe rritja e pagave për punonjësit në arsimin parauniversitar, me 10%. paga baze rritet me 3850 lekë në muaj dhe paga bruto shkon 68150 lekë në muaj per mesuesit ne shkollë te mesme.
Per mesuesit në shkollën e lartë paga baze rritet me 3550 lekë në muaj dhe paga bruto shkon 64 650 lekë në muaj.
Per mësuesit e ciklit të ulët paga baze rritet 3350 lekë në muaj dhe shkon 62450 lekë në muaj paga bruto.
Perfitojne nga kjo rritje 31 mijë 370 punonjës të sistemit arsimor.
Gjithashtu rritun pagat me 10% edhe në sistemin shëndetësor dhe 7% e punonjesve te administratës për njësitë vendore”, tha Ahmetaj.
