Ndërron jetë në rrethana misterioze në Hungari ish-drejtori i Mjedisit në Korçë, Aleksandër Çela. Ai ishte arrestuar para dy javësh në Hungari me akuzën e trafikut të klandestinëve, ndërsa burime për Report Tv thonë se Aleksandër Çela ka ndërruar jetë në burg.
Ende nuk dihen shkaqet që kanë sjellë vdekjen e Çelës, ndërsa ka dyshime nëse ka vrarë veten apo e kanë vrarë në burg. Pritet që trupi të transportohet në shtetin shqiptar për të kryer ceremoninë mortore në qytetin e Korçës.
