Futbollistët shqiptarë nga Kosova të lindur, rritur dhe natyralizuar në Zvicër, pjesë e futbollit dhe kombëtares zvicerane, e kanë përmirësuar gati 100 % imazhin e keq të shqiptarëve nga Kosova, që i njiheshin vetëm si punëtorë ndërtimi dhe shpërndarës droge.
Imazhi i Xherdan Shaqirit është imazhi i kombëtares të Konfederatës Helvetike. Kjo është bukuria e Zvicrës! Shtypi zviceran ka bërë humor në lidhje me ndeshjen Shqipëri-Zvicër, pasi kombëtarja zvicerane ka në përbërjen e saj gjashtë lojtarë shqiptaro-zviceranë me origjinë nga Kosovës, sikur edhe ndërsa kombëtarja e Shqipërisë ka pesë lojtarë të Kosovës e të natyralizuar në Zvicër.
Karikatura është botuar në Zvicrën frankofone, frëngjishtfolëse, të djelën që shkoi më 5 qershor nga gazeta Le Temp me titullin: La Suisse joue contre l’Albanie – Zvicra luan kundër Shqipërisë. Autori i karikaturës është artisti i njohuri Chappatte, Patrick Chappatte, i lindur në Karaçi të Pakistanit, me prindër njëri zviceran dhe tjera libaneze që karikaturat e tij i boton tek Le Temps, Neue Zürcher Zeitung (Edicioni i së Djelës) dhe International New York Times. Ka punuar edhe për The New York Times dhe Newsweek.
Karikaturat e tij reflektojnë realitetin në Zvicër dhe në botë. Pra Chappatte është një karikaturist i angazhuar. Ai jeton midis Los Angeles dhe Gjenevës.
Edhe karikatura në fjalë është pjesë e realitetit në Zvicër, të cilin Chappatte e njeh shumë mirë, sepse është pjesë e këtij realiteti.
Së pari, Zviceranët janë patriotë, kjo as që diskutohet. Kjo kuptohet shumë mirë në karikaturën në fjalë, kur sheh simbolet zvicerane, veshjet, Hopp Schwiiz, t-shirtet, kapelet, shalli e gjithçka, por janë tolerantë dhe me botkuptim multikultural.
Në foto shihen dy tifozë zviceranë, ndofta burrë e grua që janë duke ndjekur ndeshjen Zvicër-Shqipëri nga televizori i shtëpisë së tyre ndërsa komentatori sportiv përshkruan kalimin e topit:
“Topin e ka Graniti për Blerimin, i cili ia pason Xherdanit.
Vetëm emra shqiptarë!
Atëherë zonja pyet me të drejtë: Po a jemi ne apo nuk jemi ne!”
ma.me
