Italianët janë mësuar me shqiptarët, madje i kanë njohur ata në detaje, saqë kanë filluar edhe t’i imitojnë. Në një video të postuar në YouTube një vit më parë, ata improvizojnë pesë situata të përditshme, duke krahasuar sjelljen e tyre me atë të shqiptarëve. Mesa duket në realizimin e këtyre videove kanë marrë pjesë shqiptarë.
Një nga situatat që ata kanë marrë dhe që të bie në sy është kur rinia ulet në kafe, dihet që ne shqiptarët nuk na shijon ajo kafe nëse nuk rrimë mbi një orë ose edhe më shumë, ndose italianët e kanë ekzagjeruar, duke thënë aty më shumë se tre orë.
Një italian ulet dhe 5 minuta mjafton për të, ndërsa grupi i të rinjve shqiptare duke filluar që nga komunikimi dhe më pas te qëndrimi në kafe, ngritja e zërit në lokal etj, janë disa nga ironitë që italianët kanë përdorur për shqiptarët.
