Skuadra italiane pësoi një humbje të papritur përballë ekipit të Irlandës, rezultat ky që eliminoi Turqinë, e cila thuajse kishte siguruar kualifikimin si një prej të tretave më të mira. Por, ndeshja e dobët e italianëve i kushtoi shtrenjtë ekipit të drejtuar nga Fatih Terim. Pas ndeshjes mediat turke shpërthyen me tituj kundër Italisë.
Në mediat turke nisi një një ofensivë kundër italianëve, dhe bëhej thirrje për bojkotimin e produkteve italiane, duke filluar nga pica.
“Nuk konsumojmë kurrë më”, është slogani më i përhapur në shumë media turke, duke garantuar se ky është vetëm fillimi.
“Ishim viktima të rregullores që duhet ndryshuar me urgjencë”, shkruan ish futbollisti i kombëtares Ridvan Dilmen në gazetën “Sabah”.
“Portugalia vijon të jetë në turne duke barazuar tre herë, kurse ne dhe Shqipëria që fituam nga një ndeshje u eliminuam”, vijon shkrimin./a.m.
