Familjarët e Kleotos Çelikut kërkojnë drejtësi. 34-vjeçari që punonte në ndërmarrjen e ujësjellës kanalizimeve në këtë qytet humbi jetën teksa po pastronte një pusetë të ujrërave të zeza në Shkodër, për shkak të asfiksimt nga gazi.
Daja i tij, Fadil Hasa kërkon që drejtësia të vihet në vend dhe kjo ngjarje të zbardhet deri në fund. Daja i Kleotosit tregon për BalkanWeb se nipi i tij punonte, pa asnjë lloj kushti thuajse ndërsa shpesh herë e ka këshilluar që të ndërronte punë për shkak të rrezikshmërisë. Familja e Kleotos Çelikut e përbërë prej 5 anëtarësh tashmë pas humbjes së njeriut të tyre jetonte me vetëm dy lopë dhe pagën e 34-vjeçarit. Daja i Kleotosit kërkon që shteti të marrë përsipër dhe të sigurojë dy fëmijët e vegjël dhe bashkëshorten që nuk kanë asnjë të ardhur.
“Kërkoj që drejtësia të vihet në vend. Kleotosi punonte pa asnjë lloj kushti në punë. Familja i dinte kushtet në të cilat punonte Kleotosi, por s’kishin ç’bënin, s’kishin asnjë të ardhur tjetër”, tregon daja. Disa persona u shoqëruan në policinë e Shkodrës pas ngjarjes së rëndë ku Kleotos Çeliku humbi jetën në pusetën e ujrave të zeza. Policia ndaloi vetëm Prekë Tomën me detyrë përgjegjës për ujërat e zeza në ndërmarrjen e ujësjellësit sepse 34 vjeçarit nuk i është dhënë as bombula e oksigjenit dhe as maska kundragaz. Mijëra qytetarë të Shkodrës kanë shprehur ngushëllimet familjes Çeliku pas ngjarjes së rëndë.
