Colin Powell, ish-sekretari amerikan i Shtetit nën presidencën e George W. Bush, vdiq nga Covid-19, bëri të ditur familja e tij.
“Ne kemi humbur një bashkëshort, baba dhe gjysh të mrekullueshëm dhe të dashur dhe një amerikan të madh”, tha ajo në një deklaratë.
Powell ishte i pari afrikano-amerikan që mbajti postin e Shefit të Shtabit të Përgjithshëm, para se të bëhej kryediplomat nën presidencën republikane të George W. Bush.
Powell ishte një ushtarak profesionist i shquar, karriera e të cilit e çoi atë nga detyra luftarake në Vietnam për t’u bërë këshilltari i parë i sigurisë kombëtare me ngjyrë gjatë përfundimit të presidencës së Ronald Reagan.
Popullariteti i tij kombëtar u rrit pas fitores së koalicionit të udhëhequr nga SHBA gjatë Luftës së Gjirit, dhe për një kohë në mesin e viteve ’90, ai u konsiderua një pretendent kryesor për t’u bërë Presidenti i parë me ngjyrë i SHBA.
Kur Powell u betua si sekretar Shteti i Bushit, në vitin 2001, ai u bë zyrtari publik i rangut më të lartë publik deri më sot duke qëndruar i katërti në linjën presidenciale të trashëgimisë.
“Unë mendoj se kjo i tregon botës se çfarë është e mundur në këtë vend”, tha Powell për nominimin e tij.
“Kjo i tregon botës ndiqni modelin tonë, dhe gjatë një periudhe kohore që nga fillimi ynë, nëse besoni në vlerat që mbrojnë”, theksoi ai.
Powell ishte i martuar me Alma Vivian (Johnson) Powell dhe kishte tre fëmijë.
/a.r
Nga vizita e Powell në Shqipëri, 2 Maj 2003:
