Sigurisht që punimi në laptop ka shumë avantazhe, ku një nga këto është cilësia e tij portabël që e bën të lehtë për tu transportuar, por ka edhe një ‘problem’ që ekziston pothuajse tek të gjithë kompjuterët. Ju nuk jeni të sigurte se dikush mund të vijë prapa jush dhe të shikojë në ekranin tuaj çfarë po bëni edhe nëse ju nuk e doni një gjë të tillë.
HP ka ndërtuar një ekran të ri i cili nuk i lejon njerëzit prapa shpinës suaj të shikojnë çfarë po bëni ju në laptop.
Teknologjia e ekranit, që punon me një filtër të ngjashëm me polarizatorët optikë të dritës, siguron që vetëm përdoruesi që ndodhet përballë ekranit mund ta shikojë atë.
Opsioni mund të ndizet dhe fiket thjesht duke shtypur një buton në tastierën tuaj, duke i lejuar të tjerët të shikojnë në ekran nëse ju e dëshironi një gjë të tillë.
Ekrani i ri i HP do të jetë i instaluar në EliteBook 1040 dhe EliteBook 840 duke filluar që nga muaji tjetër./krokodili.al
