Gazetari Artan Hoxha ka deklaruar se Mexhit Picari, personi që vrau dhëndrrin e tij, Kudret Saliaj, ka pasur si qëllim të vrasë edhe avokatin Adriatik Cama.
I ftuar në “Opinion”, Hoxha tha se Picari ka pasur si qëllim ta vrasë edhe avokatin, sepse armën e ka drejtuar edhe drejt tij, nuk është se ka qenë i konfuzuar.
“Është vrasje e përgatitur, kanë gjetur mjetet. Aty mbeti i plagosur dhe një avokat, Adriatik Cama. Ai nuk u plagos pa qëllim. Picari ka qëlluar drejt avokatit, ka qëlluar drejt tij, është afruar dhe i ka drejtuar armën. Nuk ndodhi gabimisht. Ata e kanë bërë njësh edhe avokatin me viktimën. E kanë konsideruar palë. E kanë qëlluar në gjoks. Avokati është një person që bën punën, nuk qëllohet avokati. Mund të ishte avokati i kujtdo, edhe i palës tjetër,”- tha Hoxha.
g.kosovari
